Xitay j x ministirliqi Uyghur ilidiki saqchi da'irilirige axbarat wasitilirige taqabil turushni ögitish herikiti bashlighan

Xitay j x ministirliqi 23‏-iyul Uyghur aptonom rayonigha bir léksiye ömiki ewetip, yerlik j x da'irilirige tasadipiy weqelerde axbarat wasitilirige qandaq taqabil turushni ögitish herikiti bashlighan.
Muxbirimiz erkin
2012.07.27

12 Kün dawam qilidighan mezkur pa'aliyette léksiye ömiki ürümchi, ghulja, qeshqer, xoten qatarliq sheherlerge bérip, shu yerdiki yerlik j x da'irilirige we asasi qatlam saqchilirigha tasadipiy weqeler yüz bergende axbarat wasitilirige qandaq taqabil turushni ögitidiken.

Közetküchilerning ilgiri sürüshiche, yéqinqi yillardin buyan Uyghur élide qarshiliq we naraziliq bildürüsh weqelirining arqa-arqidin yüz bérishi, xitay amanliq küchlirining bu xil weqelerni qoralliq basturup, bezi paji'elik weqelerni keltürüp chiqirishi xelq'ara axbarat wasitilirining diqqitini qozghighan. Gerche xitay hökümiti uchurni qattiq kontrol qilsimu, biraq bezi sezgür uchurlar ashkarilinip kétip, xitay amanliq küchlirining kishilik hoquqqa éghir buzghunchiliq qiliwatqanliqi pash bolup qalghan. Buning bilen xitay hökümitini intayin osal ehwalgha chüshürüp qoyidighan ehwallar yüz bergen.

Xitay j x ministirliqi orunlashturghan mezkur pa'aliyetning léksiye sözlesh wezipisini shendung saqchi instituti üstige alghan. Ular yerlik saqchilargha “Ammiwi xaraktérlik jiddiy weqelerni qandaq bir terep qilish, bu xil weqelerde saqchilar axbarat wasitiliri bilen qandaq alaqe qilish we axbarat wasitilirige qandaq taqabil turush” qatarliq mezmunlarda léksiye béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.