Үрүмчи көктағдики бир канда һадисә йүз берип алтә адәм өлди

Үрүмчи шәһири йенидики бир көмүр канда кан гүмүрүлүш вәқәси йүз берип, аз дегәндә алтә адәм өлгән. Бу хәвәр хоңкоңда чиқидиған минпав гезити тәрипидин тарқитилған болуп, өлгәнләрниң арисида мәзкур канниң хитай миллитигә мәнсуп муавин башлиқиму бар икән. Бирақ, башқа қазаға учриғанларниң милләт тәркиби һәққидә хәвәрдә һечнемә дейилмигән.
Мухбиримиз үмидвар
2010-12-22
Share

Тәңритағ ториниң хәвиридә, 21 ‏- декабир үрүмчи мичуән ‏- көктағ сәнюән көмүр кенида кан гүмүрүлүп чүшүп алтә кишиниң өлгәнлики, 1992 ‏- йили қурулған бу канниң йилиға 90 миң тонна көмүр ишләпчиқиридиғанлиқи қәйт қилинған.

Хитай кан вәқәси әң көп йүз беридиған мәмликәтләрниң бири болуп, һазирғичә нурғун кан ишчилири түрлүк вәқәләрдә һаятидин айрилған. Үрүмчи шәһири йенидики тик-қудуқ, ғәрбий вә шәрқий тағ һәм вейхуляң көмүр канлири бир қәдәр чоң канлар болуп, тик қудуқ районида чоң болған, һазир ғәрб дунясида яшаватқан бир әрбабниң ейтишичә, мәзкур канларда көп санда уйғур ишчилар әң хәтәрлик вә асан вәқә чиқидиған нуқтиларда ишләйдиған болуп, көплигән уйғурлар кан һадисилиридә һаятидин айрилған.

Гәрчә, хитайда йүз бериватқан кан һадисилирини контрол қилиш үчүн хитай һөкүмити бир қатар тәдбирләрни алған болсиму, әмма қалаймиқан кан ечиш вә қезиш, базар қоғлишиш биләнла болуп, бихәтәрлик өлчимигә диққәт қилмаслиқ қатарлиқ әһвалларниң давамлиқ түрдә вәқә келип чиқиш ролини ойниғанлиқи ейтилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт