Kishilik hoquq teshkilatliri xitayning kishilik hoquq siyasitini eyiblimekte

Bügün kishilik hoquq teshkilatliri bayanat élan qilip, ereb dunyasida meydan'gha kelgen xelq heriketliridin kéyin, xitay hökümitining kishilik hoquq pa'aliyetchiliri üstidiki bésimni téximu ashurghanliqini eyiblidi.
Muxbirimiz irade
2011-03-31
Share

Fransiye agéntliqining bildürüshiche, merkizi xongkongdiki xitay kishilik hoquq qoghdighuchiliri teshkilati yéqindin buyan xitayda kishilik hoquq pa'aliyetchiliridin 26 sining qolgha élin'ghanliqini, 30 din artuqining xitay da'iriliri teripidin "Yoqitiwétilgenliki" ni bildürgen.

Kishilik hoquqni közitish teshkilatining asiya ishlirigha mes'ul xadimi nikolas békulin bolsa xitaydiki kishilik hoquq pa'aliyetchilirining ehwalining intayin xeterliklikini, xitay hökümitining kishilik hoquq üchün yaritiliwatqan yaxshi muhitni qisqa waqit ichidila tarmar qiliwatqanliqini éytqan we "2008-Yilliq olimpik musabiqisini ötküzüsh mezgilide kishilik hoquqini yaxshilash toghrisida wede bergen xitay, musabiqidin kéyin eksiche tüzümini téximu chingitti" dégen.

Bu teshkilatlar öz bayanlirida yene, xitay hökümitining intérnétqa bolghan teqibleshni ashurghanliqini tekitlep: xitay hökümiti peqet pa'aliyetchilernila emes, belki intérnét aldidiki barliq yéngi bir ewlad kishilerni jimiqturushqa urunmaqta, dégen.

Yéqinda xitayda ren yünféy, ding maw we chén wéy qatarliq üch pa'aliyetchige "Hakimiyetni aghdurushqa urunush" jinayiti bilen höküm élan qilin'ghan bolup, nobél mukapatigha érishken öktichi yazghuchi lyu shawbomu oxshash jinayet bilen jazagha tartilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet