An'géla mérkél: 'pikir erkinliki tehdit emes, belki bir purset '

Gérmaniye bash ministiri an'géla mérkél xanim düshenbe küni, kishilik hoquq mesiliside xitay da'irilirige bésim ishlitidighanliqi heqqide wede berdi.
Muxbirimiz jüme
2009-10-12
Share

Melum bolushiche, xitay bu yilliq gérmaniyining frankfort shehiride ötküzülidighan xelq'ara kitab yermenkisige alahide méhman süpitide teklip qilin'ghan bolup, mérkél xanim mezkur yermenkige qatnishidighan xitay mu'awin prézidénti shi jinpingni seyshenbe küni qobul qilidiken.

Fransiye agéntliqining neqil élip körsitishiche, bu heqte toxtalghan gérmaniye bash ministiri mérkél xanim: " söhbet jeryanida men xitay wekillirige pikir erkinlikining tehdit emes, belki bir purset ikenlikini éniq bildürimen" dégen.

Mérkél xanimning bayanatchisi ötken hepte, bu nöwetlik uchrishishta yene, gérmaniye ‏ - xitay munasiwetliri, xelq'ara mesililer we dunya kilimat özgirishi qatarliq témilarda söhbet élip bérilidighanliqini ilgiri sürgen idi.

An'géla mérkél xanim xitaydiki kishilik hoquq mesilisige yéqindin köngül bolup kéliwatqan dölet rehberliridin biri. U 2007 - yili xitaylarning naraziliqigha qarimay, tibetlerning rohaniy dahiysi dalay lamani qobul qilghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet