Коммунист партийә мәркизи комитети яшлар иттипақи мәркизи комитетиға йеңи бәлгилимә чиқарди

Бу бәлгилимидә, җайлардики яшлар иттипақи асасий қатлам тәшкилатлири хизмәт тәкшүргили кәлгән коммунист партийә әмәлдарлирини күтивелиш вә узутушни аддийлаштуруши, лозунка асмаслиқи, һәмраһ болувалмаслиқи, чүшлүк ғизада һарақ қуймаслиқи, чағанда юқири дәриҗилик рәһбәрләрни һейтлимаслиқи керәк дәп оттуриға қоюлған.

Яшлар иттипақи мәркизи комитети идарисидә асасий қатлам иттипақ кадирлирини һәр айда 2 күн йиғип тәрбийиләш ишиға мәсул болуп туруватқан ән җүншеңниң ейтишичә, коммунист партийә рәһбәрлири чириклишип аллиқачан һайванға охшаш болуп қалған, уларға назарәт йоқ, ху җинтав тәхткә чиққандин кейин, пүтүн хитайдики яшлар иттипақи дәп аталған 3 милйон тәшкилат уларға ялақчилиқ қилип рәсвалишип болди. Әмди коммунист партийә рәһбәрлири чирикликни яшлардин қизғинип бәлгилимә чиқарған.