Xitay, liwiyining igilik hoquqigha hörmet qilinishi kérek dédi

Amérika, fransiye, en'gliye bashchiliqidiki birleshme armiyining liwiyidiki herbiy heriketliri bashlan'ghanliqigha 5 kün boldi.
Muxbirimiz irade
2011-03-24
Share

Birleshme agéntliqining xewer qilishiche, rayonda wezipe ötewatqan en'gliye herbiy qismining qomandani bügün bergen bayanatida kazafiyning hawa armiye qisimlirining palech halgha chüshürülgenlikini bildürgen bolsimu, emma kazafiy qisimlirining quruqluqta toqunushlirini dawam qiliwatqanliqi, isyanchi xelq köprek merkezleshken sheherlerni nishan qilghan herbiy heriketlirini küchlendürgenliki melum bolmaqta.

 Mushundaq bir weziyet astida, muxbirlarning rayon weziyiti heqqidiki so'allirigha jawab bergen xitay bayanatchi jyang yü liwiyning igilik hoquqini qayta tekitligen. U mundaq dégen : liwiyining igilik hoquqi, musteqilliqi we zémin pütünlükige choqum hörmet qilinishi kérek. Biz herqaysi tereplerni derhal urushni toxtitishqa chaqirimiz.

U yene, liwiye weziyitining bashqa rayonlarning xewpsizlikigimu tehdit peyda qilishidin endishe qiliwatqanliqini bayan qilghan.

Xitay bayanatchi jyang yü buning bilen birlikte yene, yemen weziyiti heqqidimu toxtilip, biz yemen hökümitining öz mesilisini özi hel qilip, pat arida jem'iyetni muqimlashturup, normal tertipke qaytip kélidighanliqigha ishinimiz, dégen.

Xitay birleshken döletler teshkilatida 12 döletning liwiyide kazafiy küchlirige qarshi uchush cheklen'gen rayon berpa qilish pilanigha awaz bérishtin waz kechken döletlerning biri idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet