Xitay sherqiy déngizda herbiy manéwir ötküzdi

Jüme küni xitay déngiz armiyisining sherqiy déngiz piloti we déngiz nazaret orgini qatarliq orunlar herbiy manéwir ötküzdi.
Muxbirimiz ümidwar
2012-10-21
Share

Xitay tashqi ishlar ministirliqi mezkur herbiy manéwir heqqide izahat bérip, sénkaku arallirigha munasiwetlik talash-tartishlargha pütünley yaponiye terepning mes'uliyiti barliqini tekitlidi.

Birleshme agéntliqning xewer qilishiche, xitay terep bu qétimqi herbiy manéwirning dölet zémin pütünlük we déngiz hoquqini qoghdashqa qaritilghanliqini eskertti.

Bu qétimqi manéwirgha 11 paraxot, 8 her xil tiptiki ayropilan hemde 1000 din artuq herbiy xadim qatnashqan. Bu sénkaku arili krizisi kücheygendin buyan xitayning tunji qétim köp sandiki eskiri küchini ishqa sélip herbiy manéwir ötküzüshi hésablinidiken. Shenbe küni amérika déngiz armiyisi jenubiy déngizgha “ Gé'orgi washin'gton” namliq awi'amatkisini ewetken.

Shenbe küni yaponiyining xitaydiki bash elchisi sénkaku arili mesilisini tézdin hel qilmighanda ikki dölet munasiwetlirining téximu nacharliship kétidighanliqini agahlandurghan.

Firansiye agéntliqining xewer qilishiche, yekshenbe küni yaponiye qutquzush xadimliri 20-öktebir küni yaponiye déngiz tewelikide ot apitige uchrighan xitay yük paraxotini qutquzushqa qatniship, 64 jungguluqni qutulduruwalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet