Австралийиликләрниң мутләқ көп санлиқи камбера һөкүмити хитай мәблиғигә бәк көп йол қоювәтти дәп әйиблимәктә

Австралийидики ловей институти 1002 нәпәр австралийә пуқраси даирисидә елип барған рай синашта, австралийиликләрниң мутләқ көп санлиқи камбера һөкүмити хитай мәбләғлиригә бәк көп йол қоювәтти дәп қарайдиғанлиқи, австралийиликләрниң йерими хитайни һәрбий тәһдит қарайдиғанлиқи мәлум болди.
Мухбиримиз вәли
2011.04.25
Share on WhatsApp
Share on WhatsApp

Франсийә агентлиқиниң баян қилишичә, австралийиниң ташқи сиясити җәһәттә елип берилған бу рай синашта, һазир австралийә америкиниң иттипақдиши болғанлиқи үчүнла хитай билән тоқунушуп қеливатиду, дәп қарайдиған кишиләрниң нисбити 87%.

Һазир камбера һөкүмити хитай мәбләғлиригә бәк көп йол қоювәтти дәп әйибләватқанларниң нисбити 58%. Хитай һазир австралийигә һәрбий тәһдит дәп қарайдиған кишиләрниң нисбити 50%.

Рай ипадилигән адәмләрниң 75% и хитайда иқтисадниң өсүши австралийә үчүн пайдилиқ, дәп қариса, 57% и камбера һөкүмити хитайниң австралийигә салидиған мәблиғини азайтиш керәк дәп қарайду.

56% И җәнубий корийә билән иттипақ түзүп хитайға қарши туруш керәк дәп қарайду. 58% И австралийә кишилик һоқуқ мәсилисидә хитайға йетәрлик бесим ишләтмиди, дәп қарайду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.