Awstraliyiliklerning mutleq köp sanliqi kambéra hökümiti xitay meblighige bek köp yol qoyuwetti dep eyiblimekte

Awstraliyidiki lowéy instituti 1002 neper awstraliye puqrasi da'iriside élip barghan ray sinashta, awstraliyiliklerning mutleq köp sanliqi kambéra hökümiti xitay mebleghlirige bek köp yol qoyuwetti dep qaraydighanliqi, awstraliyiliklerning yérimi xitayni herbiy tehdit qaraydighanliqi melum boldi.
Muxbirimiz weli
2011.04.25

Fransiye agéntliqining bayan qilishiche, awstraliyining tashqi siyasiti jehette élip bérilghan bu ray sinashta, hazir awstraliye amérikining ittipaqdishi bolghanliqi üchünla xitay bilen toqunushup qéliwatidu, dep qaraydighan kishilerning nisbiti 87%.

Hazir kambéra hökümiti xitay mebleghlirige bek köp yol qoyuwetti dep eyiblewatqanlarning nisbiti 58%. Xitay hazir awstraliyige herbiy tehdit dep qaraydighan kishilerning nisbiti 50%.

Ray ipadiligen ademlerning 75% i xitayda iqtisadning ösüshi awstraliye üchün paydiliq, dep qarisa, 57% i kambéra hökümiti xitayning awstraliyige salidighan meblighini azaytish kérek dep qaraydu.

56% I jenubiy koriye bilen ittipaq tüzüp xitaygha qarshi turush kérek dep qaraydu. 58% I awstraliye kishilik hoquq mesiliside xitaygha yéterlik bésim ishletmidi, dep qaraydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.