Хитай, моңғул паалийәтчи содмонголни бейҗиң айродромида тутувалди

Хитай даирилири моңғул паалийәтчисини б д т да чақирилған йәрлик милләтләр сөһбәт йиғиниға барғузмиған вә бейҗиң айродромида қолға алғандин кейин униң из ‏ - дерики болмиған.
Мухбиримиз җүмә
2010.04.26

Ройтерста америкиға җайлашқан "җәнубий моңғулийә кишилик һоқуқ учур мәркизи"дин нәқил елип көрситишичә, 18 - апрел хитай сақчи даирилири хитайдики моңғул паалийәтчи содмонголни бейҗиң айродромида тосуп қалған.

Хәвәрдә көрситишичә, содмонгол бирләшкән дөләтләр тәшкилатиниң нюйорктики баш штабида чақирилған "бирләшкән дөләтләр тәшкилати йәрлик милләт мәсилиси йиғини"ға тәклип қилған.

Содмонгол қолға илинғандин кейин, хитай сақчи даирилири униң лявниң өлкиси чавяң шәһиридики өйигә бастуруп кирип, униң компютер, телефон вә башқа һөҗҗәтлирини һәммисини мусадирә қилған.

Мәлум болушичә, содмонгол тор бәтлири вә йиғилишлардин пайдилинип, моңғул тили, мәдәнийити вә моңғул кимликини қоғдаш һәққидә муназирә елип барған икән.

Хитай һөкүмити ички моңғулғиму хитай көчмәнлирини җиддий түрдә йөткигән. Санлиқ мәлуматларға қариғанда, нөвәттә ички моңғулниң омумий нопуси 24 милйон болуп, буниң ичидә пәқәт 20 пирсәнтинила йәрлик моңғуллар тәшкил қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.