Лйәнтаң кәнти вукән кәнтиниң демократик күришидин өлгә алмақта

Гуаңдуңниң шәнту шәһиридики вукән кәнтидики аһалиләр, өткән йили бир қатар һөкүмәткә қарши наразилиқ һәрикәтлирини елип берип, ахири кәнт аһалиләр комитетини демократик усул билән сайлап чиқишқа мувәппәқ болған вә шуниңдин кейин мәзкур кәнттики аһалиләр комитети, кәнт аһалилириниң мәнпәитини қоғдайдиған органға айланған.
Мухбиримиз шөһрәт һошур
2012-11-27
Share

Вукәнниң бу тәҗрибисидин илһамланған, мәзкур шәһәрниң лйәнтаң кәнтидики аһалиләрму бир һәптидин бери һөкүмәткә қарши наразилиқ һәрикити елип бармақта. Радиомиз хитай бөлүминиң хәвәр қилишичә, лйәнтаң кәнтидики аһалиләр, бирқанчә күндин бери кәнт аһалиләр комитетини қоршавға елип, әслидә кәнткә тәвә болған, әмма сетиветилгән йәрләр һәққидә һесаб беришни тәләп қилмақта.

Кәнт башлиқлири дәсләптә қаттиқ-юмшақ чариләрни ишқа селип кәнт аһалилирини бу ишни сүрүштә қилмаслиққа қистап баққан болсиму, күткән нәтиҗигә еришәлмигән. Вәқәниң чоңийип кетишидин әндишә қилған даириләр, мушу чаршәнбә күни мәзкур мәсилә һәққидә аһалиләргә ашкара мәлумат беришкә вәдә бәргән.

Радиомиз зияритини қобул қилған аһалиләр, чаршәнбә күни 1000 дин артуқ кишиниң мәлуматни аңлаш үчүн топлинидиғанлиқини, әгәр җаваб қанаәтлинәрлик болмиса, лозункиларни көтүрүп шәһәрлик һөкүмәткә қарап йүрүш қилидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт