Lyentang kenti wuken kentining démokratik kürishidin ölge almaqta

Gu'angdungning shentu shehiridiki wuken kentidiki ahaliler, ötken yili bir qatar hökümetke qarshi naraziliq heriketlirini élip bérip, axiri kent ahaliler komitétini démokratik usul bilen saylap chiqishqa muweppeq bolghan we shuningdin kéyin mezkur kenttiki ahaliler komitéti, kent ahalilirining menpe'itini qoghdaydighan organ'gha aylan'ghan.
Muxbirimiz shöhret hoshur
2012.11.27

Wukenning bu tejribisidin ilhamlan'ghan, mezkur sheherning lyentang kentidiki ahalilermu bir heptidin béri hökümetke qarshi naraziliq herikiti élip barmaqta. Radi'omiz xitay bölümining xewer qilishiche, lyentang kentidiki ahaliler, birqanche kündin béri kent ahaliler komitétini qorshawgha élip, eslide kentke tewe bolghan, emma sétiwétilgen yerler heqqide hésab bérishni telep qilmaqta.

Kent bashliqliri deslepte qattiq-yumshaq charilerni ishqa sélip kent ahalilirini bu ishni sürüshte qilmasliqqa qistap baqqan bolsimu, kütken netijige érishelmigen. Weqening chongiyip kétishidin endishe qilghan da'iriler, mushu charshenbe küni mezkur mesile heqqide ahalilerge ashkara melumat bérishke wede bergen.

Radi'omiz ziyaritini qobul qilghan ahaliler, charshenbe küni 1000 din artuq kishining melumatni anglash üchün toplinidighanliqini, eger jawab qana'etlinerlik bolmisa, lozunkilarni kötürüp sheherlik hökümetke qarap yürüsh qilidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.