Xitay namayishchilar saqchilar bilen toqunushti

4 Kündin buyan yünnen ölkisi süyjyang nahiyisi tewesidiki su éléktr istansisi qurulushigha qarishi namayish qiliwatqan 2 ming etrapidiki déhqan seyshenbe küni saqchilar bilen toqunushti.
Muxbirimiz jüme
2011.03.30

Xongkonggha jaylashqan xitaydiki kishilik hoquq we démokratiye informatsiye merkizining bildürüshiche, toqushta jem'iy 50 adem yarilan'ghan.

Melum bolushiche, yerlik da'iriler changjyang deryasigha bir su éléktr istansisi quruwatqan bolup, bu éléktr istansisi 2012- yili ishqa kirishtürülidiken.

Eger, mezkur éléktr istansisi ishqa kirishtürülse, shyangjyaba tosmisi etrapidin 100 ming adem köchürülidiken.

Nöwette shyangjyaba tosmisi quruluwatqan rayonidin köchürülidighan amma, özlirige bérilidighan öylerning süpitidin narazi bolup, namayish qilghan.

Hökümet da'iriliri namayishni bésiqturushqa qoralliq saqchi qisim eskerlirini yötkigen. Toqunushta yarilan'ghan 50 ademning 20 nepiri saqchi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.