Нобел саһиби: нобел әдәбият мукапатиниң хитай язғучиға берилгәнлики бир «паҗиәлик мәғлубийәт»

Илгири нобел әдәбият мукапатиға еришкән нобел саһиби шәнбә күни ахбарат саһәсигә қилған сөзидә, бу нөвәтлик нобел әдәбият мукапатиниң хитай язғучи мав йәнгә берилгәнликини бир «паҗиәлик мәғлубийәт» дәп сүпәтлигән.
Мухбиримиз җүмә
2012-11-24
Елхәт
Пикир
Share
Принт


Бу сөзләрни 2009 - йили нобел әдәбият мукапатиға еришкән германийилик язғучи һерта муеллер шәнбә күни шветсийидә чиқидиған «дагенс нйһәтер гезити» гә билдүргән.

Һерта муеллер мав йәнниң мавзидоңниң «әдәбият - сәнәт чоқум коммунистик партийини қоллиши керәк» лики илгири сүрүлгән бир нутқини қолида көчүрүп чиққанлиқини ейтқан вә буни әйблигән.

Гезиттә нәқил қилишичә һерта муеллер мундақ дегән: һәтта хитайларниң өзиму мав йәнни һөкүмәт министирлири билән охшаш дәйду. У, пикир әркинликигә қаритилған чәкләшни қоллайду. Бу мукапатиниң униңға берилиши көңүлни толиму ғәш қилиду.

У, нобел әдәбият мукапатидин ибарәт бу нопузлуқ мукапатниң мав йәнгә берилгәнликигә ғәзәплинип йиғлиғуси кәпкәткәнликни ейтқан.

Һерта муеллер әсли руминийидә туғулған болуп, кейин германийигә йәрләшкән. Униң руминийидики адаләтсизликләр ипадиләнгән «йешил алучилиқ тупрақ» намлиқ романи даңлиқтур.

Пикирләр (0)
Share
Толуқ бәт