Xitayning nobil mukapatini tapshuruwélish murasimigha tosqunluq qilish heriketliri dawam qilmaqta

Birleshme agéntliqning xewer qilishiche, nobil sahibi lyu shawboning adwokatliqini qilghan shirketning adwokatliridin mo shawping bügün, londonda échilidighan bir yighin'gha bérish üchün yolgha chiqqanda béyjing ayrodromida tosuwélinip seperdin toxtitip qoyulghan.
Muxbirimiz shöhret hoshur
2010.11.09
Share on WhatsApp
Share on WhatsApp

Saqchilar mo shawpinggha éniq halda uning bu sepirining xitayning dölet bixeterlikige ziyanliq ikenlikini bildürgen. Xitayning mo shawpingni lyu shawbogha wakaliten mukapatni tapshuruwalghili kétiwatidu dégen guman bilen tosup qalghanliqi melum bolmaqta.

Xitay ötken hepte gherb döletlirige norwigiyidiki nobil murasimgha wekil ewetmeslik heqqide telep sun'ghanda, oxshash telepni yaponiyigimu sun'ghan bolup, bügün yaponiye bash ministiri nobil mukapatning uniwérsal qimmetke ige ikenlikini tekitlep, nobil sahibi lyu shawboning qoyup bérilishini ümid qilidighanliqini bildürgen.

Fransiye tashqi ishlar ministiri bügün norwigiyidiki fransiye bash elchisining murasimgha qatnishidighanliqini uqturghan. Nobil komitétining sékritari bügün muxbirlargha qilghan sözide, lyu shawboning ayalining murasimgha qatniship mukapat tapshuruwélishini hélihem ümid qiliwatqanliqini bildürgen.

Xitay mezkur murasimgha diplomatik wastilar arqiliq tosqunluq qilishtin bashqa, lyu shawboning ayali qatarliq 20 din artuq öktichi pa'aliyetchilerni nezerbend astigha élip, nobil mukapati xewerlirige qarita axbarat cheklimisini dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.