Норвегийә хитай билән кишилик һоқуқ сөһбити өткүзмәкчи

Норвегийиниң муавин ташқи ишлар министири раймонд җохансен йетәкчиликидики зор көләмлик бир норвегийә кишилик һоқуқ өмики келәр һәптә хитайни зиярәт қилип, бейҗиң һөкүмити билән кишилик һоқуқ мәсилилиридә сөһбәт елип бариду.
Мухбиримиз әркин
2008-10-24
Share

Норвегийә "афтен постен" гезитиниң хәвәр қилишичә, раймонд җохансен бу сәпиридә йәнә, тибәтни зиярәт қилидиған болуп, у тибәтни зиярәт қилиштики мәқситиниң хитай даирилиригә норвегийиниң тибәт мәсилисигә наһайити қизиқидиғанлиқини ипадиләш икәнликини тәкитлигән. Лекин хитай һөкүмити норвегийилик мухбирларниң раймонд җохансенға һәмраһ болуп тибәткә беришини тәстиқлимиған, бәлки җохансенниң тибәткә ялғуз беришиғила йол қойған.

Бу мунасивәт билән у, норвегийилик мухбирларниң өзини әпу қилишини өтүнгән шундақла тибәт вәзийитиниң әһвалини һес қилиш наһайити муһим, дәп қариғанлиқини, шу түпәйли тибәт сәпиридин ваз кәчмигәнликини билдүргән.

Норвегийә кишилик һоқуқ сөһбәт өмикиниң тәркипидә 40 тәк сиясәтчи, аммиви тәшкилат паалийәтчилири вә мутәхәссисләр бар болуп, сөһбәт өмики норвегийә алий сот мәһкимиси, норвегийә қанун вә тибабәтчилик җәмийити, сода уюшмилири федератсийиси, карханичилар оюшмиси вә хәлқара кәчүрүм тәшкилатиниң вәкиллирини өз ичигә алған. Рәсмий сөһбәтниң 30 вә 31 ‏ - өктәбир күнлири бейҗиңда елип берилидиғанлиқи илгири сүрүлмәктә.

Һәр икки тәрәп сөһбәтниң конкрет музакирә мәзмунини елан қилмиған болсиму, лекин раймонд җохансен музакирә темисиниң ишчилар һоқуқи, мәһбуслар вә аз санлиқ милләтләр мәсилисигә четилидиғанлиқини билдүргән. Норвегийә рафто кишилик һоқуқи мукапати 2005‏ - йили уйғур паалийәтчиси рабийә қадир ханимға берилгән иди.

Хитай һөкүмити 2007‏ - йили нобил тинчлиқ мукапатини рабийә қадирға бәрмәслик тоғрисида норвегийә даирилирини агаһландурған. Норвегийә 1997 ‏ - йилдин бери хитай билән кишилик һоқуқ сөһбити өткүзүп кәлмәктә.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт