Amérika tashqi ishlar bayanatchisi xitay öktichi zat fang lijining wapatigha teziye bildürdi

Amérika tashqi ishlar bayanatchisi wiktoriya nuland bügünki axbarat élan qilish yighinida, ataqliq astrofizik alimi we öktichi zat fang lijining wapati heqqide toxtilip, fang lijining hayatigha yuqiri baha berdi we wapatigha teziye bildürdi.
Muxbirimiz shöhret hoshur
2012.04.09

Wiktoriya nuland sözide, fang lijini xitaydiki démokratik heriketlerning chémpiyoni dep atidi.

Fang liji 1989-yildiki tyen'enmén weqesini qozghighan hem ilim hem siyasiy sahede zor tesirge ige öktichi zattur.

U eyni chaghda xitay kompartiyisining chirikliki we sotsiyalizm tüzümining halaketke yüzlen'genliki heqqidiki tenqidiy pikirliri bilen diqqet we hörmetke sazawer bolghan. 4-Iyun weqesi yüz bergendin kéyin, u amérika elchixanisigha qéchip kirip siyasiy panahliq tiligen.

Amérika hökümitining bir yilgha qeder dawam qilghan diplomatik bésimliri seweblik, xitay hökümiti fanglijini atalmish “Chet'elde dawalinish” qa qoyup bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.