Xitay ölkiliri Uyghur élige xadim yötkep Uyghur élida qurulush élip bérishqa bashlidi

Ötken ayning axirida béyjingda échilghan shinjang xizmitige yardem bérish yighidin kéyin, bir ölke bir rayon'gha mes'ul bolush sheklide, her qaysi xitay ölkiliri Uyghur élige xadim yötkep Uyghur élida qurulush élip bérish yighinlirini arqa - arqidin échishqa bashlidi.
Muxbirimiz jüme
2010-04-12
Share

Jyangshi ölkisi simliq téléwiziyisi xewerler torida körsitishiche, 11 - aprél jyangshi ölkisi rehberliri bir qisim munasiwetlik xadimlarni bashlap Uyghur élining aqtu nahiyisige kélip, aqtu nahiyiside qurulush bashlash murasimi achqan.

Xewerde körsitishiche, jyangshi ölkisi aqtu nahiyiside jyangshi yoli qatarliq 3 tür boyiche qurulush élip baridiken.

Béyjingda échilghan "shinjang xizmitige yardem bérish yighini" din kéyin, xitayning béyjing, shangxey we gu'angju qatarliq sheherliri qeshqer, xoten we qizilsu qatarliq wilayet, oblastlargha xadim ewetishke bashlighan idi.

Biz igiligen bezi melumatlargha qarighanda, ilgirimu xitayning yiwu shehiri qeshqerde qurulush élip barghan we qeshqerning tash baziri etrapida yiwuluqlar sheherchisini qurup xitay dukkandarlirigha échiwetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet