Bir xitay oqughuchi jang chünshen'ge xet yézip, rayonda yerlik alahidilikni qoghdashni teshebbus qilghan

Xitay xelq torining xewer qilishiche, shinjang uniwérsitétining bir xitay oqughuchisi Uyghur rayonluq partkom sékritari jang chünshen'ge xet yézip, Uyghur rayonining ishlepchiqirishida, yerlik alahidilikke ehmiyet bérish, bolupmu yerlik qol hünerwenchilik sana'itini qoghdash we tereqqiy qildurush heqqide teklip sun'ghan.
Muxbirimiz shöhret hoshur
2010.11.16
Share on WhatsApp
Share on WhatsApp

U xitide, özining qeshqerde tughulghanliqini we yerlik xelqlerning méhri ‏- muhebbitidin we rayonning yerlik ewzellikliridin behriman bolup chong bolghanliqini, biraq hazir, u burun shahit bolghan, yerlik alahidilikke ige köpligen qimmetlik nersilerning ghayip bolghanliqini, buning netijiside rayonning özige xas güzellikini yoqitip qoyuwatqanliqini bayan qilghan.

U xétide yene, xoten etlisining süpitige heyranliqini ipadilesh bilen bille, ottura, bashlan'ghuch mekteplerde yerlik qol hünerwenchilik sana'iti heqqide ders tüzüshni teshebbus qilghan. Xette yene bir rayon özining yerlik alahidilikini yoqatsa, emeliyette özini yoqatqan boli'idighanliqi bayan qilinip, tarix we medeniyetni qoghdash teshebbus qilin'ghan.
 
Xitay hökümitining atalmish qosh tilliq ma'arip siyasiti arqiliq Uyghur milliy medeniyitini yoqitish siyasitige barliq xitay ziyaliyliri qollash pozitsiyisini tutiwatqan bir mezgilde, bir xitay aliy mektep oqughuchisining, yerlik alahidilikni qoghdash heqqidiki teshebbusini otturigha qoyushi Uyghur közetküchilerning diqqitini tartmaqta.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.