'Шинҗаңға ярдәм беридиған оқутқучилар' уйғур елигә келишкә башлиди

Хитай һөкүмити "шинҗаңға ярдәм беридиған хитай тили оқутқучилири" намида уйғур елигә хизмәтчи йөткәшкә башлиған. Шинхуа агентлиқида көрситилишичә, 27 - авғуст, 25 нәпәр шаңхәйлик оқутқучи уйғур елигә йетип келип, ақсу вилайитигә хизмәткә орунлаштурулған.
Мухбиримиз җүмә
2009.08.31
Share on WhatsApp
Share on WhatsApp

Мәлум болушичә, бу, хитай һөкүмити иккинчи нөвәтлик "шинҗаңға ярдәм беридиған оқутқучилар" хизмәт пиланини ишқа салғандин кийин, тунҗи түркүм уйғур елигә кәлгән хитай оқутқучилар икән.

Хәвәрдә көрситилишичә, хитайниң иккинчи нөвәтлик " шинҗаңға ярдәм беридиған хитай тили оқутқучилири" пилани 2002 - йили йолға қоюлған бу хилдики хизмәт пиланниң давами икән.

2003 - Йилидин 2006 - йилиғичә болған биринчи нөвәтлик хизмәт пилани мәзгилидә, уйғур елидә 6 миң " қош тил" оқутқучиси тәрбийиләнгән. Униңдин башқа бейҗиң вә шәндуң қатарлиқ хитай районлиридин 400 хитай тили оқутқучиси уйғур елигә йөткәлгән.

Мәлум болушичә, хитай һөкүмити мәзкур қурулушқа 44 милйон 600 миң йүән мәбләғ аҗратқан. 2009 - Йилидин 2012 - йилиғичә, бейҗиң тйәнҗин, шаңхәй вә җяңсу қатарлиқ өлкә районлардин уйғур елигә мәхсус хитай тили оқутқучилири йөткәп келинидикән.

Хитай йәрлик һөкүмити 2000 - йилидин буян уйғур елидә, уйғур оқутқучиларни " хитай тили сәвийиси" вә башқа сәвәбләр билән түркүмләп иштин бошитип кәлмәктә иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.