'Shinjanggha yardem béridighan oqutquchilar' Uyghur élige kélishke bashlidi

Xitay hökümiti "shinjanggha yardem béridighan xitay tili oqutquchiliri" namida Uyghur élige xizmetchi yötkeshke bashlighan. Shinxu'a agéntliqida körsitilishiche, 27 - awghust, 25 neper shangxeylik oqutquchi Uyghur élige yétip kélip, aqsu wilayitige xizmetke orunlashturulghan.
Muxbirimiz jüme
2009.08.31
Share on WhatsApp
Share on WhatsApp

Melum bolushiche, bu, xitay hökümiti ikkinchi nöwetlik "shinjanggha yardem béridighan oqutquchilar" xizmet pilanini ishqa salghandin kiyin, tunji türküm Uyghur élige kelgen xitay oqutquchilar iken.

Xewerde körsitilishiche, xitayning ikkinchi nöwetlik " shinjanggha yardem béridighan xitay tili oqutquchiliri" pilani 2002 - yili yolgha qoyulghan bu xildiki xizmet pilanning dawami iken.

2003 - Yilidin 2006 - yilighiche bolghan birinchi nöwetlik xizmet pilani mezgilide, Uyghur élide 6 ming " qosh til" oqutquchisi terbiyilen'gen. Uningdin bashqa béyjing we shendung qatarliq xitay rayonliridin 400 xitay tili oqutquchisi Uyghur élige yötkelgen.

Melum bolushiche, xitay hökümiti mezkur qurulushqa 44 milyon 600 ming yü'en meblegh ajratqan. 2009 - Yilidin 2012 - yilighiche, béyjing tyenjin, shangxey we jyangsu qatarliq ölke rayonlardin Uyghur élige mexsus xitay tili oqutquchiliri yötkep kélinidiken.

Xitay yerlik hökümiti 2000 - yilidin buyan Uyghur élide, Uyghur oqutquchilarni " xitay tili sewiyisi" we bashqa sewebler bilen türkümlep ishtin boshitip kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.