Xitay-pakistan herbiy manéwirida ayropilan chüshüp kétip bir uchquchi öldi

Weqe bügün paytext islam'abadtin 65 kilométir uzaqliqtiki atok shehiride yüz bergen. Fransiye axbarat agéntliqining bu heqtiki xewiride bildürüshiche, weqe ayropilanda téxnikiliq mesile chiqqanliqtin yüz bergen.

Melum bolushiche, nöwette pakistan armiyisining qolida amérikining F-16 we fransiyining Mirages tipliq ayropilanliridin bashqa, xitayda ishlen'gen F-7PGs we A-5s tipliq ayropilanlarmu bar.

Gerche pakistan herbiy da'iriliri téxnikiliq mesile chiqqan ayropilanning qaysi tipliq ayropilan ikenlikini ashkarilimighan bolsimu, közetküchiler mezkur ayropilanning choqum xitayda ishlen'gen bolush éhtimalliqini perez qilishmaqta.

Bu nöwetlik xitay-pakistan herbiy manéwiri bügün yeni düshenbe küni bashlan'ghan. Mezkur weqe manéwirning tunji küni yüz bergen. Bu qétimqisi xitay-pakistan birlikte 2004-yilidin béri élip bériwatqan birleshme herbiy manéwirining 4-qétimliqidur.

Közetküchilerning bildürüshiche, bu manéwirning ghayiliridin biri pakistan we afghanistan taghlirida herbiy telim körüwatidu dep qariliwatqan sherqi türkistan pida'iylirigha heywe körsitishtur.