Xitay bilen pakistanning ningshyada ötküzidighan herbiy manéwiri "sherqiy türkistan islam herikiti"ge qaritilghan

Pakistan bilen xitay ötken shenbe kündin bashlap ningshya tunggan aptonom rayonining chingtongshya dégen yéridiki lenju herbiy rayonining bir meshq meydanida birleshme herbiy manéwir élishp bérishqa bashlighan.
Muxbirimiz erkin
2010-07-05
Share

Manéwirning térrorluqqa qarshi turush mezmunidiki teqlidi manéwir ikenliki bildürüldi. Bu pakistan bilen xitayning térrorluqqa qarshi turush mezmunidiki bu türlük herbiy manéwirini 3 - qétim élip bérishi bolup, manéwirgha her bir terepning alahide urush qisimliridin 113 esker qatnashqan. Manéwirning ningshyada ötküzülüshi küzetküchilerning diqqitini qozghighan.

Xongkongda chiqidighan "eynek" géziti bu heqtiki xewiride manéwirning ningshyada ötküzülüshini chüshendürüp, manéwirning bu rayonda élip bérilishidiki seweb chingtongshya rayonining yer tüzülüshi pakistan bilen afghanistan qebililer rayonigha oxshap kétidighanliqi, manéwirda pakistan - afghanistan qebililer rayonigha yoshurunuwalghan sherqiy türkistan islam herikitige zerbe bérish meshqi élip bérilidighanliqini ilgiri sürgen. Bu qétimqi herbiy manéwir pakistan prézidénti zerdari 6 - iyuldin 10 - iyulgha qeder xitayning béyjing, shangxey qatarliq sheherlirini ziyaret qilishtin burun orunlashturulghan idi.

Pakistanning béyjingdiki bash elchisi mesud xan zerdarining ziyariti heqqide melumat bérip, bu ziyaret arqiliq "pakistan bilen xitay térrorluqqa qarshi turushni kücheytip, rayon we xelq'ara tinchliq we muqimliqni algha sürüsh, xelq'ara munber we teshkilatlardiki hemkarliqni kücheytidu" dégen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet