Пакистан билән хитай 'террорлуққа қарши' ортақ һәрбий маневир елип бармақчи

Хитай билән пакистан "террорлуққа қарши" ортақ һәрбий маневир өткүзидиғанлиқини елан қилди. Бүгүн пакистан һәрбий даирилири, буниң пакистан - хитай мунасивитиниң техиму қоюқлашқанлиқидин дерәк беридиғанлиқини билдүрди.
Мухбиримиз ирадә
2010-07-01
Share

Франсийә агентлиқиниң билдүрүлүшичә, "достлуқ" дәп исим берилгән бу һәрбий маневир бир һәптә давам қилидикән. Маневирға һәр икки дөләтниң алаһидә қисимлири вә хитайниң һава армийә қисимлири қатнишидикән.

Пакистан президенти асиф али зәрдари 6 - июлдин 11 - июлғичә хитайда зиярәттә болиду. У бу қетимқи зияритидә хитай дөләт рәиси ху җинтав билән учришиду. Техи йеқиндила хитай даирилири пакистанға хәлқара өлчәмләр асасида ядро реактори сетип беридиғанлиқини елан қилғандин кейин америка буниңға нисбәтән гуманий позитсийидә болған иди.

Пакистан хитайниң райондики әң яхши шерики. Пакистан даирилири бундин илгири хитай билән һәмкарлишип, пакистандики уйғурларни тәқиб қилиш, уларни террорчи гумани билән тутуш һәтта хитайға өткүзүп бериштәк һәрикәтләрдә болған иди.

Бу қетим икки дөләтниң һәрбий маневирини "террорлуққа қарши" дегән нам билән елип беришиму алаһидә диққәт тартмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт