Хитай пакистанда ядро електр истансиси қурудиғанлиқини елан қилди

Бүгүн хитайниң ядро енергийә ширкити пакистан даирилири билән пакистанда бир гигаватлиқ ядро електр истансиси қуруш үстидә сөзлишиватқанлиқини елан қилди.
Мухбиримиз ирадә
2010-09-20
Share

Ройтерс агентлиқиниң хәвәр қилишичә, хитай ядро енергийә ширкитиниң муавин башлиқи чу җәнгаң икки тәрәпниң һазир келишиш үстидә икәнликини билдүргән. У буниңдин сирт икки тәрәпниң пакистанға һәрбири 300 мегават болған 3 - вә 4 - номурлуқ реактор сетип бериш үстидә келишим имзалиғанлиқини билдүргән.

Хитай илгири пакистанға икки ядро реактори сетип бәргән болуп, мәзкур реакторлар пәнҗаб өлкисиниң пәшмән райониға қурулған. Әйни чағда америка даирилири баянат елан қилип, хитайни пакистан билән елип бериватқан ядро тиҗарити һәққидә ениқ мәлумат беришкә вә уни чоқум хәлқара ядро тәминлигүчиләр бирлики-- NSG ниң тәстиқидин өткүзүшкә чақирған иди.

Хитай даирилири болса, икки дөләт арисидики ядро тиҗаритини "тинчлиқпәрвәр" дәп ақлап келиватқан болсиму, мәзкур тиҗарәт америка вә һиндистанда әндишә пәйда қилмақта.

Ройтерс агентлиқиниң хәвәр қилишичә, пакистан тәрәп хитай билән болған ядро содисиниң пәқәт пакистанниң електр енергийә мәсилисини һәл қилишни мәқсәт қилидиғанлиқи, буниңда башқа бир нийәтниң йоқлуқини билдүргән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт