Xitayning wuxen shehiride dem élishqa chiqqan herbiy emeldarlar naraziliq namayishi ötküzdi

Xitayning wuxen shehiride bügün 800din artuq dem élishqa chiqqan herbiy emeldar namayish ötküzüp, hökümettin özlirining turmush parawanliq ishlirini yaxshilap bérishni telep qilghan. Melum bolushiche bular, xitay xelq jumhuriyiti qurulghandin kéyin herbiy septe wezipe ötigen we 2000 - yilighiche ariliqta herbiy septin chékin'genler bolup, bular nöwette özlirige bériliwatqan turmush yardem pulining yémek - ichmektin bashqigha yetmeywatqanliqini, dawalinish ishlirida qiyniliwatqanliqini bayan qilghan.
Öz muxbirimiz shöhret hoshur
2011-11-21
Élxet
Pikir
Share
Print

Radi'omiz xitayche bölümining xewer qilishiche, wuxen sheherlik erziyet idarisi bilen kadirlar idarisining mes'ulliri namayish yétekchiliri bilen körüshüp söhbet ötküzgen, emma mesililer üstide pikir birlikige kélelmigen. Bu dem élishqa chiqqan herbiy namayishchilar, bügün chüshtin kéyin sa'et 2 mezgilide tarqap ketken. Ular, eger mesilisi wuxende hel bolmighan teqdirde, béyjinggha bérip merkizi hökümetke erz sunidighanliqini bildürüshken.
Toluq bet