Хитай хәлқ пулиниң алмаштуруш қиммити мәсилисидә америкиға қарши инкас қайтурди

Мухбиримиз үмидвар
2010-03-21
Share

Бу учур әнглийә б б с агентлиқиниң хәвиридә ейтилған болуп, буниң алдида америка һөкүмити әгәр хитай һөкүмити хәлқ пулиниң алмаштуруш қиммитини контрол қилса, америкиниң хитайға нисбәтән җаза қоллинидиғанлиқини агаһландурған һәмдә америка малийә министирлики бу мәсилидә келәр айда қарар чиқиришни бекиткән иди.

Хәвәрдә көрситилишичә, бу мәсилидә хитайниң "хәлқ гезити" мақалә елан қилған болуп, буниңда хитай сода министири чен демиңниң америкиға инкас қайтуруп, бу мәсилидә хитайниңму қарап турмайдиғанлиқини тәкитлигәнлики һәмдә америкиниң бу һәрикитини" йүзәки вә тар даирилик" дәп тәнқид қилғанлиқи оттуриға қоюлған.

Хәвәрләрдин мәлум болушичә, хитай муавин сода министири җоңшән 24 - марттин 26 - мартқичә вашингтонни зиярәт қилип, америка дөләт мәҗлиси әзалири вә сода министирлиқидики әрбаблар билән көрүшүп, икки дөләтниң сода саһәсидики ихтилаплирини вә башқа мәсилиләрни һәл қилиш үчүн пикир алмаштурудикән.

Хитай хәлқ пулиниң америка доллири билән болған алмаштуруш қиммитини төвән сәвийидә контрол қилиш арқилиқ икки дөләт содисида пайдиға еришиватқанлиқи, бу сәвәбтин америкиниң көп қетим хәлқ пулиниң алмаштуруш қиммитини әркин қоюветишни тәшәббус қилған болсиму, бирақ, нәтиҗә бәрмәй, икки дөләтниң бу мәсилидики ихтилапиниң барғансери күчүйиватқанлиқи мәлум.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт