Хитай мәркизий банкиси хәлқ пулиниң алмаштуруш қиммитигә қаратқан контроллуқни юмшитидиғанлиқини билдүрди

Шәнбә күни, хитай мәркизий банкиси хәлқ пулиниң алмаштуруш қиммитигә қаратқан контроллуқни юмшитидиғанлиқини билдүрди. Хитайниң мәзкур қарари америка даирилирини хурсән қилди.
Мухбиримиз җүмә
2010-06-19
Share

Америка малийә министири тимитй гайтнер баянат елан қилип хитайниң мәзкур қарарини қарши алидиғанлиқи билдүрди. У, "буни кәскин әмәлийләштүрүш дуня иқтисадида баланс пәйда қилишқа иҗабий төһпә қошуду" деди.

Хитайниң мәзкур қарари америка ақсарай даирилири хитай пулиниң алмаштуруш қиммити мәсилидә хитайға бесимни күчәйткән мәзгилгә тоғра кәлди.

Америка президенти барак обама 20 дөләт алий дәриҗиликләр учришишиға қатнишидиған һөкүмәт рәһбәрлиригә йоллиған мәктубида, хитай пулиниң алмаштуруш мәсилисини оттуриға қойған.

Обама мәктубида пулниң алмаштуруш қиммитини әркин қоюветиш дуня иқтисадий оборотида интайин муһим рол ойнайду, дәп көрсәткән.

Хитай пулиниң алмаштуруш қиммити мәсилиси обама һөкүмити изчил диққәт қилип келиватқан мәсилиләрниң бири иди.

Өткән һәптә бир қисим америка палата әзалири қанун лайиһиси тонуштуруп, әгәр хитай өз пулиниң алмаштуруш қиммитини әркин қоювәтмисә хитайни җазалайдиғанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт