Xitay merkiziy bankisi xelq pulining almashturush qimmitige qaratqan kontrolluqni yumshitidighanliqini bildürdi

Amérika maliye ministiri timity gaytnér bayanat élan qilip xitayning mezkur qararini qarshi alidighanliqi bildürdi. U, "buni keskin emeliyleshtürüsh dunya iqtisadida balans peyda qilishqa ijabiy töhpe qoshudu" dédi.

Xitayning mezkur qarari amérika aqsaray da'iriliri xitay pulining almashturush qimmiti mesilide xitaygha bésimni kücheytken mezgilge toghra keldi.

Amérika prézidénti barak obama 20 dölet aliy derijilikler uchrishishigha qatnishidighan hökümet rehberlirige yollighan mektubida, xitay pulining almashturush mesilisini otturigha qoyghan.

Obama mektubida pulning almashturush qimmitini erkin qoyuwétish dunya iqtisadiy oborotida intayin muhim rol oynaydu, dep körsetken.

Xitay pulining almashturush qimmiti mesilisi obama hökümiti izchil diqqet qilip kéliwatqan mesililerning biri idi.

Ötken hepte bir qisim amérika palata ezaliri qanun layihisi tonushturup, eger xitay öz pulining almashturush qimmitini erkin qoyuwetmise xitayni jazalaydighanliqini bildürgen idi.