Хитайниң дөләтлик путбол командисиға бир уйғур яшму талланған

Хитайниң дөләтлик путбол командисиға бир уйғур яшму талланған. Хитайниң "соху" универсал торида "чиңдав гезити"дин нәқил елип көрситишичә, мәзкур команда бу йил 6 - февралдин 14 - февралғичә, японийиниң токйо шәһиридә елип берилидиған шәрқий асия ләвһә талишиш һәл қилғуч мусабиқисигә (EAFF0) қатнишидикән.
Мухбиримиз җүмә
2010.01.23
Share on WhatsApp
Share on WhatsApp

Бу нөвәт тәшкилләнгән хитай дөләтлик путбол команда әзалирини чениқтуруш, 23 - январ шаңхәйдә башлинидикән.

Хәвәрдә көрситишичә, бу нөвәтлик хитай дөләтлик путбол командисиниң мәшиқ тизимликигә җәмий 29 нәпәр путболчи киргүзүлгән.

Буларниң ичигә хитай дөләтлик өсмүрләр командисидин мәмәтҗан исимлик бир уйғур яшни өз ичигә алған 4 нәпәр путболчи таллинип, хитай дөләт командисиға киргүзүлгән.

Мәлум болушичә, мәмәтҗан әсли қәшқәрдин болуп, у илгири шәндуң "лунең" командисида топ тәпкән. Хәвәрдә бу, "хитай дөләтлик путбол командиси тарихида тунҗи қетим бир уйғур йигитниң хитай дөләтлик путбол командисиға таллиниши", дәп көрситилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.