Ху җинтав астанини зиярәт қилип, қазақистан оттура асия нефит турубисини кеңәйтиш келишими имзалайду

"Җуңго нефит ширкити" ниң бир әмәлдари ройтерс агентлиқиға учур берип, ху җинтавниң астана билән нефит туруба йолини кеңәйтишкә даир келишим имзалайдиғанлиқини билдүргән. Ху җинтав бу сәпиридә йәнә өзбекистанни зиярәт қилип, 11 ‏- июн ташкәнт шәһиридә ечилидиған шаңхәй һәмкарлиқ тәшкилатиниң башлиқлар йиғиниға қатнишидикән.

Хитай ярдәмчи ташқи ишлар министири чен гопиң ху җинтавниң астанидики мәзгилидә "шәрқий түркистан бөлгүнчилири" гә қарши қазақистанниң һәмкарлиқини қолға кәлтүрүшкә тиришидиғанлиқини тәкитлигән. Ройтерс хәвиридә, қазақистан - хитай нефит туруба йолиниң уйғур земинидин өтидиғанлиқини әскәртип, буниң өзи хитай үчүн хәтәрлик һесаблинидиғанлиқини билдүргән.

Пиланға асасән нефит туруба йолиниң күндилик тошуш иқтидари 2013‏ - йилға қәдәр бир һәссә көпәйтилип, 400 миң варилға йәткүзүлидиғанлиқини илгири сүргән. Хитай бу йил 4 ‏- айда қазақистандин туруба йоли арқилиқ 5 милйон варил хам нефит импорт қилған болуп, бу хитай хам нефит омуми импорт миқдариниң 4% ни игилигән.