Xu jintaw astanini ziyaret qilip, qazaqistan ottura asiya néfit turubisini kéngeytish kélishimi imzalaydu

Xitay dölet re'isi xu jintaw astanini ziyaret qilip, qazaqistan bilen xitay - qazaqistan néfit turuba yolini kéngeytish kélishimi imzalaydiken hem bu jeryanda sherqiy türkistan küchlirige qarshi qazaqistanning hemkarliqini qolgha keltürüshke tirishidiken.
Muxbirimiz erkin
2010.06.04
Share on WhatsApp
Share on WhatsApp

"Junggo néfit shirkiti" ning bir emeldari roytérs agéntliqigha uchur bérip, xu jintawning astana bilen néfit turuba yolini kéngeytishke da'ir kélishim imzalaydighanliqini bildürgen. Xu jintaw bu sepiride yene özbékistanni ziyaret qilip, 11 ‏- iyun tashkent shehiride échilidighan shangxey hemkarliq teshkilatining bashliqlar yighinigha qatnishidiken.

Xitay yardemchi tashqi ishlar ministiri chén goping xu jintawning astanidiki mezgilide "sherqiy türkistan bölgünchiliri" ge qarshi qazaqistanning hemkarliqini qolgha keltürüshke tirishidighanliqini tekitligen. Roytérs xewiride, qazaqistan - xitay néfit turuba yolining Uyghur zéminidin ötidighanliqini eskertip, buning özi xitay üchün xeterlik hésablinidighanliqini bildürgen.

Pilan'gha asasen néfit turuba yolining kündilik toshush iqtidari 2013‏ - yilgha qeder bir hesse köpeytilip, 400 ming warilgha yetküzülidighanliqini ilgiri sürgen. Xitay bu yil 4 ‏- ayda qazaqistandin turuba yoli arqiliq 5 milyon waril xam néfit import qilghan bolup, bu xitay xam néfit omumi import miqdarining 4% ni igiligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.