Xitayning qeshqerdiki emgek bilen özgertish orni hazir 'milletlet ittipaqi terbiyyisi' élip bériwatidu

Xelq'arada 'emgek bilen özgertish' dégenning özila qanunsizliq dep hésablinidu. Emma xitay hökümiti emgek bilen özgetish dégen bundaq qanunsiz wastini uzundin buyan qollinip kelmekte.

Xitayning Uyghur aptonom rayonida jaza mudditi toshup qoyup bérilgen kishilerni qaytidin orunlashturushqa yétekchilik qilidighan rehberlik guruppining höjjitide 'jaza mudditi toshqandin kéyinmu jem'iyetke xewp yetküzishi mumkin dep qaralghan biri'inji xil kishiler؛ jaza mudditi toshqan kéyin, 3 yilliq emgek bilen özgertish mudditi toshmighan ikkinji xil kishiler؛ jaza mudditi toshqan, emgek bilen özgertish mudditimu toshqan, qaytidin jinayet ötküzüsh xahishi barliqimu bayqalmighan üchinji xil kishiler؛ jaza mudditi toshqandin kéyin saqchi organliri teripidin waqitliq ishqa orunlashturulghan tötinji xil kishiler, bularning hemmisi mehellilerde amanliq saqlash tarmaqliri teripidin dawamliq emgek bilen özgertilidu' dep belgilen'gen. Bu höjjet 2004 ‏ - yili 'chingdaw amanliq tori'da élan qiln'ghan idi.

Xewerde éytilishiche, xitay hökümiti bu qétim qeshqerdiki emgek bilen özgertish ornining xadimlirige, üchinji xl kishilerge qarita milletler ittipaqi terbiyisi élip bérish toghrisida mexsus ölchemlik söz tékisti bésip tarqitip bergen. Ular buxil 'terbiye' ni zeherlik chékimliktin mejburiy qutuldurulidighan kishilergimu élip bériwatidu.