خىتايدىن نېگىرىيىگە قورال ئېكسپورت قىلغان ئەنگلىيىلىك جازاغا تارتىلدى

گاري ھيدې ئىسىملىك بۇ سودىگەر 2007-يىلى 40 مىڭ تال AK-47 تىپلىق ئاپتومات، 30 مىڭ تال مىلتىق، 10 مىڭ تاپانچا ۋە 32 مىليون تال ئوقنى خىتايدىن نېگىرىيىگە يۆتكەپ بەرگەن.

گاري ھيدې بۇ قورال ياراقلارنى ئەنگلىيىنىڭ رۇخسىتىسىز يۆتكىگەن ۋە بۇنىڭغا بېرىلگەن 1 مىليون دوللار تاپان ھەققىنى ھۆكمەتتىن يوشۇرغان.

خىتاي بىلەن نېگىرىيە ئارىسىدا تۈزۈلگەن بۇ قورال سودىسى توختامى قانۇنلۇق بولسىمۇ، يۆتكەپ بەرگۈچى ئەنگلىيىلىك بولغاچقا ئەنگلىيە دائىرىلىرىدىن يۆتكەش رۇخسىتى ئېلىشى كېرەك ئىكەن.

نىگېرىيىمۇ باشقا ئافرىقا ئەللىرىگە ئوخشاش خىتايدىن يېنىك تىپتىكى قوراللارنى كۆپ سېتىۋالىدىغان دۆلەتلەرنىڭ بىرى. بۇ خىلدىكى قوراللار خەلقئارا كىشىلىك ھوقۇق تەشكىلاتلىرىنىڭ دىققىتىنى تارتىۋاتقان ئىدى.