Хитай сақчилириниң җинайәт өткүзүш нисбитиниң йүксәклики испатланмақта

Йиллардин бери радиомизға кәлгән инкасларда, хитай сақчи хадимлириниң уйғур елидики зораванлиқлири изчил паш қилинип кәлгән.
Мухбиримиз шөһрәт һошур
2012.04.23
Share on WhatsApp
Share on WhatsApp

Инкасларда сақчи хадимлириниң хизмәт һоқуқидин пайдилинип пуқраларни бозәк қиливатқанлиқи вә қанунсиз йоллар билән байлиқ топлаватқанлиқи һәққидә көплигән мисалларни көрситип өткән. Әмма мухбиримиз әһвал игилигәндә райондики даириләр сақчи хадимлириниң юқириқи қилмишлирини пүтүнләй йошуруп кәлгән иди.

Бүгүн шинҗаң хәвәр торида баян қилинишичә, хитайда йеқинқи йиллардин бери 4300 дин артуқ сақчи қанунға хилаплиқ қилғанлиқи үчүн чарә көрүлгән. Булар асаслиқи делоларни қәстән хата бир тәрәп қилиш, делоға четишлиқ аптомобиллардин шәхсий пайдилиниш, қанунсиз тиҗарәт орунлири билән шериклишиш, қимар ойнаш, бузуқчилиқ қилиш қатарлиқ көп хил җинайи һәрикәтләргә четилип җазаланған.

Хәвәрдә гәрчә, һәрқайси район вә өлкиләрдики сақчиларниң җинайәт өткүзүш әһвали айрим көрситилмигән болсиму, мәзкур қилмишларниң асаслиқи уйғур вә тибәт қатарлиқ хитай сақчи хадимлириға һәддидин зиядә һоқуқ берилгән җайларда көпләп садир болғанлиқи еһтималға йеқин көрүлмәктә.

Ашкарилинишичә, хитай сақчилири йеқинқи 3 йил ичидә ичидә нурулислам, шөһрәт турсун вә дилшат исмаил қатарлиқ көплигән яшларни 5-июл вәқәсигә четип тутқун қилип түрмидә қийнап өлтүрүвәткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.