Xitay saqchilirining jinayet ötküzüsh nisbitining yüksekliki ispatlanmaqta

Yillardin béri radi'omizgha kelgen inkaslarda, xitay saqchi xadimlirining Uyghur élidiki zorawanliqliri izchil pash qilinip kelgen.
Muxbirimiz shöhret hoshur
2012.04.23
Share on WhatsApp
Share on WhatsApp

Inkaslarda saqchi xadimlirining xizmet hoquqidin paydilinip puqralarni bozek qiliwatqanliqi we qanunsiz yollar bilen bayliq toplawatqanliqi heqqide köpligen misallarni körsitip ötken. Emma muxbirimiz ehwal igiligende rayondiki da'iriler saqchi xadimlirining yuqiriqi qilmishlirini pütünley yoshurup kelgen idi.

Bügün shinjang xewer torida bayan qilinishiche, xitayda yéqinqi yillardin béri 4300 din artuq saqchi qanun'gha xilapliq qilghanliqi üchün chare körülgen. Bular asasliqi délolarni qesten xata bir terep qilish, délogha chétishliq aptomobillardin shexsiy paydilinish, qanunsiz tijaret orunliri bilen shériklishish, qimar oynash, buzuqchiliq qilish qatarliq köp xil jinayi heriketlerge chétilip jazalan'ghan.

Xewerde gerche, herqaysi rayon we ölkilerdiki saqchilarning jinayet ötküzüsh ehwali ayrim körsitilmigen bolsimu, mezkur qilmishlarning asasliqi Uyghur we tibet qatarliq xitay saqchi xadimlirigha heddidin ziyade hoquq bérilgen jaylarda köplep sadir bolghanliqi éhtimalgha yéqin körülmekte.

Ashkarilinishiche, xitay saqchiliri yéqinqi 3 yil ichide ichide nurul'islam, shöhret tursun we dilshat isma'il qatarliq köpligen yashlarni 5-iyul weqesige chétip tutqun qilip türmide qiynap öltürüwetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.