Xitay Uyghur ilidiki qoralliq saqchi etritining derijisini östürdi

Xitay merkizi herbiy ishlar komitéti yéqinda qarar maqullap, xitay xelq qoralliq saqchi qisimliri shinjang bash etritining shtatini mu'awin korpusluqtin toluq korpusluqqa östürgen.
Muxbirimiz erkin
2008-11-28
Share

" Shinjang géziti"ning peyshenbe küni tarqatqan bu heqtiki xewiride "shinjang qoralliq saqchi qisimlar bash etritining derijisini östürüshtiki meqsetning rayonda dölet bixeterliki we ijtima'iy muqimliqqa kapaletlik qilish ikenlikini bildürgen.

Shinxu'a tor békitining xewiride bolsa rayondiki xitay qoralliq saqchi qisimlirining shtatining östürülgenlik muddi'asini konkirétlashturup, " térrorluqqa qarshi küreshtiki rolini kücheytish" ikenlikini ilgiri sürgen. "Shinjang géziti"ning eskertishiche, xitay xelq qoralliq saqchi qisimlirining siyasi komissari yüy linshyang "shinjang bash etritining derijisini östürüsh "qararining ötken seyshenbe küni élan qilin'ghanliqini bildürgen bolup, u bu qararni " shinjangda dölet bixeterliki, ijtima'iy muqumluq, we uzun - muddetlik tinchliq hem muqumluq ornitishtiki muhim qarar", dep tekitligen.

Bu qararning élinishida 8‏ - aydiki qeshqer semen yoli, yamanyar we kucharda yüz bergen xitay saqchi qisimlirigha hujum qilish weqelirining qanchilik rol oynighanliqi melum emes. Lékin xitay 11 ‏ - séntebir weqesidin kéyin Uyghur élide " térrorluq " qa qarshi heriket bashlighanliqini jakarlap, keng kölemlik basturushni yolgha qoymaqta idi.

"Shinjang" qoralliq saqchi qisim bash etritining derijisini östürüsh qarari amérika we xelq'ara kishilik hoquqi teshkilatliri xitayni Uyghur medeniyiti, diniy erkinlik we öz köz qarishini tinch yollar bilen ipadiligen öktichi shexslerni basturush bilen eyiblewatqan mezgilde élan qilindi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet