Yawropa birliki xitayni saxta tawarlirini yighishturush heqqide yene agahlandurdi

Yawropa birlikining baj we tamozhna ishliri komissiyoni tünügün shangxeyde muxbirlarni kütüwélip, xitayni aldinqi yili qol qoyghan kélishimge asasen, saxta tawarlarni kontrol qilishni kücheytishke yene bir qétim chaqiriq qildi.
Muxbirimiz shohret hoshur
2010-09-03
Share

Komissiyon bashliqi algirdas semeta, saxta tawar mesiliside xitay bilen qeghez yüzide yaxshi kélishiwatqanliqini, biraq ijra qilishta undaq bolmaywatqanliqini eskertip, xitayning bu jehette yene ilgirilep tedbir qollinishi kéreklikini bildürdi.

Uning bildürüshiche, yawropadiki saxta tawar qatarigha kiridighan ayaghlarning 90%i, kompyutér üskünilirining 81%i we kiyim kécheklerning 72% ining xitaydin kirgüzülgenlikini eskertip ötti.

Melum bolushiche, aldinqi yilqi kélishim boyiche, ikki terep birlikte tamozhnida saxta tawarlarni nazaret qilish guruppisi tesis qilghan. Netijide yil axirida, yawropa terep, saxta tawargha alaqidar 55 déloni pash qilghan, xitay terep bolsa aran 5 délo pash qilghan.

Bir heptidin béri yawropa birliki bilen xitayning bu heqtiki alaqidar tarmaqlirining söhbitide, xitayda ishlepchiqirilghan saxta tawarlarning yawropa karxanichilirinila emes, xitayning öz ichidiki qanunluq tijaret qiliwatqan karxanilirinimu ziyan'gha uchritiwatqanliqi otturigha qoyulghan. Emma, bu heqtiki xewerlerde xitay terepning bu mesilige qandaq seweb körsetkenliki yaki wede bergenliki tilgha élinmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet