Канада пайтәхти оттавадики хитай әлчиханиси ху җинтавни күтүвалғучиларни сетивалған

Канада пайтәхти оттавадики хитай әлчиханисиниң ху җинтавни күтүвалғучиларға пул төлигәнлики вә күтүвелишини "сиясий күрәш" дәп атиғанлиқи ашкариланмақта. "Улуғ ера" гезитидә көрситишичә, мәзкур гезит оттавада турушлуқ хитай әлчиханиси хадиминиң канададики хитай оқуғучилар билән өткүзгән телефон хатирисини қолға чүшүргән.
Мухбиримиз җумә
2010-06-26
Share

Аваз хатирисигә қариғанда, хитай әлчиханиси маарип бөлүминиң баш катипи лю шавхуа хитай рәиси ху җинтавни күтүвелишқа келидиған оқуғучилардин бу ишни мәхпий тутушни тәләп қилған.

Хәвәрдә нәқил қилишичә, лю мундақ дегән: "барлиқ чиқимиңларни биз көтүримиз. Бирақ буни сирттики һечкимгә тинмаңлар. Һечкимгә һә! пәқәт өз аримиздикиләрла билсә болди. Бу дөлитимиз үчүн һечқанчә пул әмәс. Бу бир күрәш. Сиясий күрәш."

Мәлум болушичә, лю бу сөзләрни 50 нәпәр хитай оқуғучиға қилған. У йәнә, оттавада турушлуқ хитай әлчиханисиниң өз алдиға 100 адәм йиғқанлиқини һәмдә оттавада яшаватқан хитай дипломатлириниңму келидиғанлиқини билдүргән вә "силәрниң чоқум келишиңлар техиму зөрүр" дегән.

Ху җинтав 20 дөләт алий дәриҗиликләр йиғинға қатнишиш үчүн алдинқи күни канадаға кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт