Kanada paytexti ottawadiki xitay elchixanisi xu jintawni kütüwalghuchilarni sétiwalghan

Kanada paytexti ottawadiki xitay elchixanisining xu jintawni kütüwalghuchilargha pul töligenliki we kütüwélishini "siyasiy küresh" dep atighanliqi ashkarilanmaqta. "Ulugh éra" gézitide körsitishiche, mezkur gézit ottawada turushluq xitay elchixanisi xadimining kanadadiki xitay oqughuchilar bilen ötküzgen téléfon xatirisini qolgha chüshürgen.
Muxbirimiz jume
2010-06-26
Share

Awaz xatirisige qarighanda, xitay elchixanisi ma'arip bölümining bash katipi lyu shawxu'a xitay re'isi xu jintawni kütüwélishqa kélidighan oqughuchilardin bu ishni mexpiy tutushni telep qilghan.

Xewerde neqil qilishiche, lyu mundaq dégen: "barliq chiqiminglarni biz kötürimiz. Biraq buni sirttiki héchkimge tinmanglar. Héchkimge he! peqet öz arimizdikilerla bilse boldi. Bu dölitimiz üchün héchqanche pul emes. Bu bir küresh. Siyasiy küresh."

Melum bolushiche, lyu bu sözlerni 50 neper xitay oqughuchigha qilghan. U yene, ottawada turushluq xitay elchixanisining öz aldigha 100 adem yighqanliqini hemde ottawada yashawatqan xitay diplomatliriningmu kélidighanliqini bildürgen we "silerning choqum kélishinglar téximu zörür" dégen.

Xu jintaw 20 dölet aliy derijilikler yighin'gha qatnishish üchün aldinqi küni kanadagha kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet