Хитайдики бир қисим ширкәтләр уйғур райониға көчүшни пилан қилмақта

Интерфакис агентлиқиниң хәвәр қилишичә, хитайниң башқа җайлирида енергийә беҗи өрлигәнликтин хитайдики бир қисим ширкәтләр уйғур райониға көчүшни пилан қилмақта икән.
Мухбиримиз җүмә
2011-12-10
Share

Хәвәрдә көрситишичә, ә хитай дөләтлик тәрәққият вә ислаһат комитети санаәт, сода вә йеза игиликидә ишлитилидиған енергийиниң һәр бир киловатиға қоюлидиған баҗни бу йил декабирдин башлап 0.03 Йүән өстүргән.

Хәвәргә қариғанда хитайниң хунән, гуйҗу, гуаңши қатарлиқ дат басмас полат, алаһидә полат вә карбонлаштурулған полат мәһсулатлирини ишләп чиқириш базилирида енергийә беҗи алаһидә өстүрүлгән.

Хәвәрдә нәқил қилишичә, хитайниң информатсийә технологийиси анализчиси җаң хәнмей шуниң билән мәһсулатларниң тәннәрхи өскәнлики, нөвәттә нурғун еғир санаәт ширкәтлириниң енергийә беҗи төвән районларға көчүшини пилан қиливатқанлиқини билдүргән.

У мундақ дегән: хитайниң ғәрбидики шинҗаң уйғур аптоном райони бәлким көчүш әң мувапиқ җай болуши мумкин.

Бу йилниң бешида хитай муһит министирлиқи елан қилған доклатта, хитайдики еғир санаәт базилириниң башқа районға көчүшүши шу районларда муһит булғиниш мәсилисини еғирлаштуруветидиғанлиқини көрсәткән иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт