Xitaydiki bir qisim shirketler Uyghur rayonigha köchüshni pilan qilmaqta

Xewerde körsitishiche, e xitay döletlik tereqqiyat we islahat komitéti sana'et, soda we yéza igilikide ishlitilidighan énérgiyining her bir kilowatigha qoyulidighan bajni bu yil dékabirdin bashlap 0.03 Yüen östürgen.

Xewerge qarighanda xitayning xunen, guyju, gu'angshi qatarliq dat basmas polat, alahide polat we karbonlashturulghan polat mehsulatlirini ishlep chiqirish bazilirida énérgiye béji alahide östürülgen.

Xewerde neqil qilishiche, xitayning informatsiye téxnologiyisi analizchisi jang xenméy shuning bilen mehsulatlarning tennerxi öskenliki, nöwette nurghun éghir sana'et shirketlirining énérgiye béji töwen rayonlargha köchüshini pilan qiliwatqanliqini bildürgen.

U mundaq dégen: xitayning gherbidiki shinjang Uyghur aptonom rayoni belkim köchüsh eng muwapiq jay bolushi mumkin.

Bu yilning béshida xitay muhit ministirliqi élan qilghan doklatta, xitaydiki éghir sana'et bazilirining bashqa rayon'gha köchüshüshi shu rayonlarda muhit bulghinish mesilisini éghirlashturuwétidighanliqini körsetken idi.