Америка хитай ширкәтлиригә алақидар әрз үстидә тәкшүрүш елип баридиғанлиқини билдүрди
Мәлум болушичә, америкидики яғач пол ясайдиған бир қисим чоң ширкәтләр хитайниң әрзан баһалиқ полларни америка базирида төкмә қилип сетип, америка ширкәтлирини зиянға учритиватқанлиқи тоғрисида америка сода министирликигә әрз йоллиған.
Бу һәқтики әрзини америкидики андерсон яғач поллири, авар полчилиқи, вә шав санаәт гуруһи қатарлиқлар бирликтә йоллиған.
Әрздә, хитайдин импорт қилинидиған яғач поллардин 195 пирсәнттин, 281 пирсәнткичә төкмә қилип сетишқа қарши баҗ елиш тәләп қилинған.
Әрздә йәнә, бу хилдики ширкәтләргә хитай һөкүмити беридиған ярдәмгә қарши бир қисим қошумчә һәқләрниму елиш тәләп қилинған.
Америка - хитай сода алақисида америка тәрәптә һәр йили нәччә ю милярд доллар қизил рәқәм көрүлиду.
Мутәхәссисләр буни хитайниң пул қиммитини дәриҗидин ташқири төвән тутқанлиқи кәлтүрүп чиқарғанлиқини илгири сүргән. Пул қиммити мәсилиси нөвәттә америка - хитай мунасивәтлиридики җиддий характерлик мәсилиләрниң биридур.
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
- Доктор адриян зенз германийәдики уйғур җамаити тәрипидин қизғин алқишланди
