Хитай гүәнтанамодики 2 уйғур мәсилисидә шветсарийигә тәһдит салди

Хитай һөкүмити шветсарийиниң гүәнтанамодики ака - ука уйғурлардин әркин мәһмут билән бәхтияр мәһмутни қобул қилидиғанлиқиға қарши баянат елан қилип, "шветсарийиниң қарари хитай - шветсарийә мунасивитигә зиян йәткүзиду," дәп агаһландурди.
Мухбиримиз әркин
2010-02-04
Share

Шветсарийә болса юқириқи икки уйғурниң бихәтәрликкә тәһдит йәткүзмәйдиғанлиқини, уларни қобул қилишта инсанпәрвәрликни чиқиш қилғанлиқини билдүргән.

Хитай ташқи ишлар министирлиқи баянатчиси ма җавшуй пәйшәнбә күнлүк ахбарат елан қилиш йиғинида мухбирларниң бу һәқтики соаллиға җаваб берип, хитай тәрәпниң бу мәсилини хитай - шветсарийә әркин сода келишими түзүш сөһбәт йиғинида оттуриға қойғанлиқини тәкитлигән.

"Бу қарар җуңго - шветсарийә мунасивитигә тәсир көрситиду" дәп тәкитлигән ма җавшуй, гүәнтанамодики бу кишиләр шәрқий түркистан ислам һәрикитиниң әзалири икәнликини, шәрқий түркистан ислам һәрикити болса б д т хәвпсизлик кеңишиниң террорлуқ тәшкилатлар тизимликигә киргүзүлгәнликини илгири сүргән.

Лекин мәркизи вашингтондики америка уйғур җәмийити баянат елан қилип, шветсарийиниң бу қарарини қарши алидиғанлиқини билдүрүп, "шветсарийә һөкүмити вә хәлқиниң инсанпәрвәрлик роһини намайән қилип, хитайниң тинимсиз бесимиға қаримай бу икки кишини қобул қилғанлиқи пәвқуладдә әһмийәтлик," дәп көрсәтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт