Xitayda siyasiy öktichilerning nérwa késellikler doxturxanisida tutup turuluwatqanliqi pash qilindi

Amérikida pa'aliyet élip bériwatqan xitay kishilik hoquqni qoghdash jem'iyiti, bügün bir doklat élan qilip, xitayda siyasiy öktichilerning nérwa késellikler doxturxanisida tutup turuluwatqanliqini pash qildi.
Muxbirimiz shöhret hoshur
2012-08-22
Share

Mezkur doklat kéler ayda b d t da échilidighan xitayning méyipler hoquqi ehdinamisige emel qilip qilmighanliqini bahalash yighinida otturigha qoyulush üchün hazirlan'ghan. Doklatta öktichilerning nérwa késellikler doxturxanisigha mejburiy apirilip,mejburiy dawalinidighanliqi, dawalinish jeryanida a'ilisi bilen körüshtürülmeydighanliqi, naraziliq bildürse qiyin-qistaqqa élinidighanliqi qatarliq ehwallar pakitliri bilen pash qilin'ghan.

B d t da 2008‏-yili testiqlan'ghan méyipler hoquqi ehdinamiside, méyiplerni qamap qoyushqa we nezerbend qilishqa bolmaydu, dep békitilgen؛ nérwa késellikler bolsa méyipler katégoriyisige kirgüzülgen. Doklatta bildürüshiche, xitayda siyasiy öktichilerning nérwa késellikler qatarida sanilishi insan heqliri mesilisi bolsa, uning doxturxanida tutup turulushi we qiyin-qistaqqa élinishi insan heqlirining yene bir qétim depsende qilinish mesilisidur.

Xitayning kéler aydiki b d t yighinida bu mesilige qandaq jawab béridighanliqi insan heqliri pa'aliyetchilirining diqqitini tartmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet