Kilinton xanimning “Iplasliq” dégen eyiblimisi xitayning yéghirigha tegdi

Kilinton xanim sözide “Ular yalghuz süriye xelqiningla emes, pütün ereb xelqlirining oyghinish heriketlirige tosqunluq qiliwatidu” dégen. Kilnton xanimning bu sözliri béyjinggha qattiq tesir körsetken bolup, bügün xitay tashqi ishlar bayanatchisi xung li bu heqte toxtilip, mezkur tenqidni “Qobul qilghili bolmaydu” dep naraziliq bildürgen.

Xitay xelq gézitimu bügün bu heqte mexsus obzor élan qilip, amérikining ereb baharini qollash meydanini semimiy emes dep tenqid qilghan. Gézit, xitayning süriye xelqining uzun muddetlik menpe'itini oylishiwatqanliqini otturigha qoyup, xitayning b d t bixeterlik kéngishide, süriyini jazalash qararigha tosqunluq qilmishini aqlighan.

Xitayning bu qétimqi naraziliqi yawropa birlikining süriyige qarshi yéngi jaza tedbirlirini maqullighan bir mezgilige toghra keldi. Yawropa birlikining yéngi jaza qararida, süriye merkez bankisining pullirini tonglitish we beshar esed hökümitige bésimni kücheytish qatarliq yéngi tedbirler maqullan'ghan.