B d t xitayning bowaqlar süt parashuk weqesini üzül - késil tekshürüshini ümid qildi

B d t ning sehiye organi bilen balilar fondi teshkilati peyshenbe küni qoshma bayanat élan qilip, xitayning bowaqlar süt parashuki weqesidin chongqur azablan'ghanliqini we endishe tuyuwatqanliqini, xitay da'irilirining weqe üstidin üzül késil tekshürüsh élip bérishini ümid qildi.
Muxbirimiz erkin
2008-09-26
Share

Yuqiriqi ikki organning xitaydiki ish bashqarmisi peyshenbe küni élan qilghan bayanatta bowaqlarning süt parashukigha ziyanliq madda arilashturush "kishini yirgendüridighan" weqe, dep tekitligen. Bayanatta yene xitay da'irilirining weqe üstidin üzül - késil tekshürüsh élip bérishigha ishinidighanliqi, lékin tekshürüshtin kéyin yémeklikler bixeterlikige diqqet qilishni, balilar yémeklikler qa'idisining téximu qattiq yolgha qoyulushini ümid qilidighanliqini bildürgen.

Amérika metbu'atlirining xewer qilishiche, b d t balilar fondi teshkilati bayanatchisi déyl rustéyn qoshma bayanatning meqsiti anilargha bowaqlarni ana süti bilen béqishning muhimliqini eskertish, dep tekitligen. Xitayda sütlük yémekliklerge mélamin arilashturush weqesining chétilish da'irisi üzlüksiz kéngeymekte. Jüme küni shangxey gu'angming yémeklikler shirkiti bayanat élan qilip, mélamin tüpeyli " toshqan" markiliq kempütni ishlepchiqirish toxtitilghanliqini bildürgen.

Yéngi zéllandiye, awstiraliye, sin'gapor, kanada, en'giliye, teywen we xongkonglar " toshqan" kempüt sétishni toxtatqan. Buningdin sel burun yawropa ittipaqi xitay süt mehsulatlirini import qilishni chekligen idi. Qoshma bayanatta yene, yimeklik karxanilirining xelq ammisini aldash qilmishining qobul qilinmaydighanliqi, balilar yémeklikini bulghashning téximu qattiq eyiblinishke tégishlik qilmish hésablinidighanliqini tekitlen'gen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet