Yawropa ittipaqi xitaydin süt mehsulatlirini yawropagha éksport qilishni waqtinche toxtitishni telep qildi

Yawropa ittipaqi yawropa tamozhna bashqurush tarmaqlirigha xitayda ishlen'gen süt mehsulatlirigha qarita tekshürüshni kücheytish toghrisida buyruq chüshürgen bolup, mezkur buyruq xitayda dawam étiwatqan süt parashokidin zeherlinish krizisi chongqurlashqan peytlerge toghra keldi.
Muxbirimiz jüme
2008-09-22
Share

Birleshme agéntliqida neqil élip körsitilishiche, yawropa soda komitétning bayanatchisi nina papadukali xanim, yawropa ittipaqigha eza 27 döletning xitaydin süt mehsulatliri we bowaqlar parashoki import qilmaydighanliqini bildürgen.

U yene yawropa ittipaqigha eza döletlerning karantin we tamozhna tarmaqlirining hazir jiddiy agah bolush halitige ötkenlikini, emma hazirche mélaminda bulghan'ghan birer mehsulatning yawropa ittipaqi ellirige import qilin'ghanliqi heqqide xewer yoqluqini ilgiri sürgen.

Xewerde körsitilishiche, yawropa ittipaqi ijra'iye komitétidiki xadimlar xitay terepning, mélaminda bulghanmighanliq ispati bolmighan shara'itta, özide ishlen'gen süt mehsulatlarni yawropagha éksport qilishni waqtinche toxtitishni hemde xitay terepning bulghinish derijisige a'it barliq sanliq melumatlarni toluq ashkarilashni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet