خىتاي بىلەن تەيۋەن ئارىسىدىكى ھەربىي ھازىرقىلىقلار ئۈزلۈكسىز كۈچەيمەكتە

بىرلەشمە ئاخبارات ئاگېنتلىقى بۈگۈن تەيۋەن دۆلەت مۇداپىئە مىنىستىرلىقىنىڭ بىر دوكلاتىنى قولغا چۈشۈرگەن. دوكلاتتا خىتاينىڭ تەيۋەنگە قارشى ھەربىي ھازىرلىقلىرى ھەققىدە مەلۇماتلار توپلانغان ۋە مۇلاھىزىلەر بايان قىلىنغان. دوكلاتتا خىتاينىڭ نۆۋەتتە تەيۋەنگە قاراتقان باشقۇرىلىدىغان بومبا سانىنىڭ 1300 گە يەتكەنلىكى ۋە بۇ ساننى 2020 - يىلىغا قەدەر 2000 غا چىقىرىشنى پلانلىغانلىقى، خىتاينىڭ بۇ ئارقىلىق 2020 - يىلىغا كەلگەندە تەيۋەننى بويسۇندۇرۇش بىلەن بىرلىكتە، ئېھتىمالغا قارشى ئامېرىكىغىمۇ تاقابىل تۇرۇش كۈچىنى يېتىلدۈرۈش ئۈچۈن ھەرىكەت قىلىۋاتقانلىقى بايان قىلىنغان.
ﻣﯘﺧﺒﯩﺮﯨﻤﯩﺰ ﺷﯚﮪﺮﻩﺕ ﮪﻮﺷﯘﺭ
2010-07-19
ئېلخەت
پىكىر
Share
پرىنت

تەيۋەندە پرېزىدېنت ما يىڭجۇ تەختكە چىققاندىن كېيىن ئىككى تەرەپ ئارىسىدىكى سىياسىي ۋە ئىقتىسادىي مۇناسىۋەتلەردە كۆزگە كۆرۈنەرلىك ئىلگىرىلەشلەر بارلىققا كەلگەن؛ تەيۋەن ۋەزىيىتىدىكى جىددىيچىلىكتە پەسىيىش يۈز بەرگەن. بۇ جەرياندا ما يىڭجۇ ئىزچىل ھالدا خىتاي تەرەپنى، تەيۋەنگە قاراتقان باشقۇرىلىدىغان بومبىلىرىنى يوتكىۋېتىشكە چاقىرىپ كەلگەن ھەم تەيۋەننىڭ دۆلەت مۇداپىئە قۇدرىتىنى كۈچلەندۈرۈشنىمۇ توختاتمىغان. فرانسىيە ئاخبارات ئاگېنتلىقىنىڭ خەۋەر قىلىشىچە، ما يىڭجۇ تۈنۈگۈن تەيۋەن دۆلەت مۇداپىئە مىنىستىرلىقىغا بۇيرۇق چۈشۈرۈپ، ئامېرىكىدىن ستېىۋېلىنىدىغان قورال - ياراقلارنىڭ تىزىملىكى ھەققىدە لايىھە تەلەپ قىلغان. دوكلات ۋە خەۋەرلەردىكى بۇ مەلۇماتلاردىن قارىغاندا، خىتاي بىلەن تەيۋەن ئارىسىدىكى مۇناسىۋەت ئىللىقلىشىۋاتقىنىغا قارىماي؛ ھەر ئىككى تەرەپنىڭ ھەربىي ھازىرلىقىنىڭمۇ كۈچىيىۋاتقانلىقى ئايان بولماقتا.
پىكىرلەر (0)
Share
تولۇق بەت