Хитай билән тәйвән арисидики һәрбий һазирқилиқлар үзлүксиз күчәймәктә

Бирләшмә ахбарат агентлиқи бүгүн тәйвән дөләт мудапиә министирлиқиниң бир доклатини қолға чүшүргән. Доклатта хитайниң тәйвәнгә қарши һәрбий һазирлиқлири һәққидә мәлуматлар топланған вә мулаһизиләр баян қилинған. Доклатта хитайниң нөвәттә тәйвәнгә қаратқан башқурилидиған бомба саниниң 1300 гә йәткәнлики вә бу санни 2020 - йилиға қәдәр 2000 ға чиқиришни планлиғанлиқи, хитайниң бу арқилиқ 2020 - йилиға кәлгәндә тәйвәнни бойсундуруш билән бирликтә, еһтималға қарши америкиғиму тақабил туруш күчини йетилдүрүш үчүн һәрикәт қиливатқанлиқи баян қилинған.
Мухбиримиз шөһрәт һошур
2010-07-19
Share

Тәйвәндә президент ма йиңҗу тәхткә чиққандин кейин икки тәрәп арисидики сиясий вә иқтисадий мунасивәтләрдә көзгә көрүнәрлик илгириләшләр барлиққа кәлгән; тәйвән вәзийитидики җиддийчиликтә пәсийиш йүз бәргән. Бу җәрянда ма йиңҗу изчил һалда хитай тәрәпни, тәйвәнгә қаратқан башқурилидиған бомбилирини йоткиветишкә чақирип кәлгән һәм тәйвәнниң дөләт мудапиә қудритини күчләндүрүшниму тохтатмиған. Франсийә ахбарат агентлиқиниң хәвәр қилишичә, ма йиңҗу түнүгүн тәйвән дөләт мудапиә министирлиқиға буйруқ чүшүрүп, америкидин стеивелинидиған қорал - ярақларниң тизимлики һәққидә лайиһә тәләп қилған. Доклат вә хәвәрләрдики бу мәлуматлардин қариғанда, хитай билән тәйвән арисидики мунасивәт иллиқлишиватқиниға қаримай; һәр икки тәрәпниң һәрбий һазирлиқиниңму күчийиватқанлиқи аян болмақта.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.